10/14
       Nuntii Latini breves      2025
 
 
 15.12.2025
 Relationes inter Sinas et Iaponiam
 intercedentes hoc autumno peiores
 factae sunt. Aeroplana Sinensia, dum
 in spatio aerio areae maritimae
 internationalis volant, prope insulas
 Iaponiae venerunt et aliis quoque
 modis Iaponiam perturbaverunt.
 
 5.12.2025
 Regimen foederale Germaniae legem
 multum disceptatam de viribus armatis
 Germaniae amplificandis approbavit.
 Nova lex eo spectat, ut numerus militum
 exercitus Germaniae decem annis ab
 183 000 usque ad 260 000 crescat.
 Huc accedunt 200 000 subsidiariorum.
 
      Nuntii latini breves 366-373 >>>