3/14
       Nuntii Latini breves      2025
 
 
 25.12.2025
 Praesidens Donald Trump salutationem
 nataliciam admodum peculiarem
 divulgavit his fere verbis: "Bona
 natalia omnibus exopto, etiam illi
 cloacae partium sinistrarum, quae omnia
 facit ad patriam delendam, sed
 frustra.”
 
 25.12.2025
 Corea Septentrionalis progressum in
 nave submarina nucleari fabricanda
 fecisse videtur. Hoc vel inde apparet,
 quod Kim Jong-un, dux civitatis,
 navalia obiit, ubi ei alveus navis iam
 paene absolutae monstrabatur.
 
 
      Nuntii latini breves 366-373 >>>