8/10
       Nuntii Latini breves      2025
 
 5.8.2025
 Calidissimus locus in Finlandia hac
 aestate erat Ylitornio, oppidum in
 Lapponia occidentali situm. Ibi enim
 temperatura 26 diebus continuis 25,1
 gradus superavit. Neque usquam alibi
 apud nos aestus tam diu sine
 intermissione continuabantur.
 
 4.8.2025
 In Australia tantopere ninxit, ut vici
 et oppida passim acervis nivium 40
 centimetrorum obruerentur. Quo factum
 est, ut multae domus electricitatis
 expertes remanerent et commeatus
 publicus in magnas difficultates
 vocaretur.
 
 
      Nuntii latini breves 366-370 >>>