5/10
       Nuntii Latini breves      2025
 
 15.6.2025
 Partes, quibus nomen Finni
 fundamentales, in urbe Lahti conventum
 factionis habuerunt. Praeses factionis
 bis electa est Riikka Purra, ministra
 aerarii publici, cum Teemu Keskisarja,
 legatus parlamentaris, munere
 vicepraesidis fungi inciperet.
 
 15.6.2025
 Exercitus pedester Civitatum Americae
 Unitarum 250 annos complevit. In idem
 momentum temporis incidit 79. dies
 natalis praesidentis Trump. Ad honorem
 utriusque rei in urbe Washington pompa
 militaris magnifica et sumptuosa
 instituta est.
 
 
      Nuntii latini breves 366-369 >>>