13/14
       Nuntii Latini breves      2025
 
 
 26.11.2025
 Politici Finlandenses volunt, ut
 collegae Europaei cooperationem
 arcticam pluris aestiment et eam in
 indice rerum agendarum loco altiore
 ponant. Haec leguntur in relatione,
 quam ministra Elina Valtonen de
 politica nostra arctica divulgavit.
 
 25.11.2025
 Luandae, in urbe capite Angolae,
 conventus moderatorum Unionis
 Europaeae et Unionis Africae habitus
 est. Ex Finlandia eo venit praesidens
 Alexander Stubb cum magno negotiatorum
 comitatu. Colloquia imprimis ad res
 oeconomicas pertinebant.
 
      Nuntii latini breves 366-373 >>>