10/10
       Nuntii Latini breves      2025
 
 21.8.2025
 Rerum periti monent periculum esse, ne
 Antarctis magis magisque sordescat
 propter multitudinem viatorum et
 incepta maiora. Constat numerum
 hpminum Antarctidem visitantium his
 duobus decenniis inde ab 20 000 usque
 ad 120 000 crevisse.
 
 
 20.8.2025
 Tempus venationis avium aquaticarum
 initium cepit et usque ad finem anni
 valet. Eas nonnisi horis diei lucidis
 venari licet, ut agnitio specierum
 certa sit. Eodem tempore etiam ursus
 et castor agitari coepti sunt.
 
 
                       @ReijoPitkaranta