5/7
       Nuntii Latini breves      2026
 
 
 2.1.2026
 Lusus nummarius apud pueros in Finnia
 valde increbruit, quod imprimis eos
 sollicitat, qui cum hominibus
 lusionibus addictis opus faciunt. In
 causa sunt commendatio mercium et rete,
 cuius ope ludus facilis factu est.
 
 2.1.2026
 Zahran Mamdani, praefectus urbis Novi
 Eboraci (vulgo New York) nuperrime
 electus, ius iurandum muneris dedit.
 Caerimonia corano adhibito celebrata
 est, cum ille islamista esset. Qua re
 omnes oculis intentis spectabunt, quo
 modo magistratum gesturus sit.
 
 
      Nuntii latini breves 366-373 >>>