3/10
       Nuntii Latini breves      2025
 
 
 10.7.2025
 Finlandenses autocinetis vetustioribus
 commeant quam ceteri cives
 septentrionales. Aetas enim media eorum
 13 fere annorum est, cum ea vel in
 Suetia ad 11 annorum sit. Ut autocineta
 in viis nostris vehentia iuvenescant,
 necesse est voluntas nova vehicula
 emendi augescat.
 8.7.2025
 Ministerium Germaniae a rebus exteris
 autumat aeroplanum suum supra Sinum
 Arabicum plans a Sinis radiorum
 lasericorum ope perturbatum esse.
 Dicitur illa aeronavis actioni Unionis
 Europaeae interfuisse, cuius esset
 navigationem in Mari Rubro ab hostibus
 tueri.
      Nuntii latini breves 366-370 >>>