9/9
       Nuntii Latini breves      2025
 
 2.9.2025
 Praesidens Donald Trump Chicagiam
 urbem in mundo periculosissimam
 obsignavit propter criminalitatem ibi
 grassantem. Asseveravit tamen se illud
 malum celeriter ablaturum esse vel
 copiis eo mittendis. Washington signum
 est eum a tali actione non abhorrere.
 
 
 1.9.2025
 In Afganistania orientali terrae motus
 vehementissimus factus est, cuius vis
 6.0 erat. Qua clade saltem 600 homines
 vitam amiserunt et plus mille laesi
 sunt. Epicentrum sismicum tantum 15
 chiliometra ab urbe Jalalabad aberat.
 Loca montuosa operae auxiliari
 officiunt.
                       @ReijoPitkaranta