8/10
       Nuntii Latini breves      2025
 
 26.6.2025
 Confoederatio Atlantica sive Nato
 conventu in Nederlandia habito
 promulgationem in quinque partes
 divisam edidit, qua proponitur,
 quibusnam rationibus et actionibus vis
 defensiva eiusdem confoederrationis
 quam maxime corroboretur.
 
 24.6.2025
 Megalopoli Neo-Eboraco status
 necessitatis indictus est propter
 calores extraordinarios temperatura
 paene ad 40 gradus surgente. Pristinum
 culmen anno 1888 repertum quinque fere
 gradibus inferius erat. Magistratus
 incolas urbis hortantur, ut domi
 maneant.
 
      Nuntii latini breves 366-371 >>>