4/10
       Nuntii Latini breves      2025
 
 
 29.6.2025
 Russia seriem ictuum aeriorum in
 Ucrainam fecit. Ille impettus, si
 copiam dronorum et missilium respicis,
 toto bello amplissimus esse dicitur.
 Sex homines, inter eos unus parvulus,
 interfecti sunt. Huc accedit, quod
 Ucraina unum aeroplanum insectatorium
 amisit.
 29.6.2025
 Circiter 100 000 Serborum in medium
 Belgradum convenerunt regimen Serbiae
 corruptionis accusantes et dimissionem
 eius flagitantes. Inter custodes
 publicos et reclamatores graves
 conflictus orti sunt illis in populum
 gasum lacrimiferum et granatas
 soporiferas adhibentibus.
      Nuntii latini breves 366-371 >>>