2/10
       Nuntii Latini breves      2025
 
 
 1.7.2025
 Qualis fuerit mensis Iunius, fortasse
 requiris. Dies caniculares nonnisi duos
 habuimus. Fulmina perraro in caelo
 micabant. Horae solis lucentis
 paucissimae erant. Temperatura media
 usitata esse videbatur. Copia pluviarum
 autem in Nylandia et Carelia maxima
 erat.
 1.7.2025
 Vir quidam Danus in Germania captus
 est, quia suspicio non aberat, quin
 pro Irania specularetur. Eius erat
 homines er loca Iudaea observare ad
 cognoscendum, quae obiecta ad
 aggrediendum maxime idonea essent.
 Explorator fortasse etiam actibus
 terroristicis interfuturus erat.
      Nuntii latini breves 366-371 >>>