6/10
       Nuntii Latini breves      2025
 
 
 27.6.2025
 Praesidens Vladimir Putin dixit
 Russiam paratam esse ad novas
 consultationes de pace cum Ucraina:
 priores parum processisse, quod
 opiniones utriusque partis nimis
 inter se differrent. Fieri posse, ut
 colloquia Constantinopoli haberentur.
 
 26.6.2025
 Prima aestas satis pluviosa effecit,
 ut sationes agricolarum apud nos
 prospere pullularent ac fruges et
 plantae melius crescerent quam anno
 praeterito. Caelum subfrigidum causa
 erat, cur fragum tardius maturesceret.
 Quibusdam locis tamen fraga iam
 colligi coepta sunt.
      Nuntii latini breves 366-371 >>>