Sápmi         9.11. VUOSSÁRGA    5/5
 
 Avvila bálvalandálus dáhpáhuvvan jápmin
 ii ovdán gearregiidda, go sivalažžan
 navdojuvvon jámii
 Vuoras nisu jámii álgojagis Avvila
 bálvalandálus, go nubbi ássi lei
 veallán su alde. Sivalažžan navdojuvvon
 jámii čakčamánus ja danin guđđe
 áššáskuhtekeahttá.
 Avvila bálvalandálus dáhpáhuvvan
 jápmimis guđđe áššáskuhttima
 dagakeahttá, muitala guovloáššáskuhtti
 Maija Aarto šleađgapoasttas.
 – Áššáskuhtekeahttá guođđin lea dahkkon
 otne, daningo sivalažžan návdojuvvon
 lea jápmán čakčamánus, čállá Aarto.
 Avvila bálvalandállu Männikkös gávdne
 ođđajagimánu 7. beaivve iđđes vuoras
 nissona jápmán iežas seaŋggas. Lanjas
 lei leamašan maiddái nubbi bálvalandálu
 nissonássi, guhte veallái belohahkii
 liikka alde.