Sápmi         23.7. GASKAVAHKKU  5/5
 
 Lupiin ä'štte leävvned še Sää'mest:
 aiccmõõžž ju'n Aanar tâ'vv-vuu'din
 Lupiin jie leäkku leämmaž veâl ouddâl
 Tâ'vv-Lappist. Cõggâmtååimaid âlgg
 altteed jå'ttlânji, vuäinn
 suõjjlemä'šštobddi.
 Aanar Kammsest lie tän ķie'zz kaunnâm
 lupiinid. Lupiin lij jâkkšlaajj, kåå'tt
 lij hääitlaž Lää'ddjânnam alggveärlaž
 luõttu.
 Lää'ddjânnam WWF suõjjlemä'šštobddi
 Teemu Niinimäki mie'ldd lupiin
 leävvnummuš nääi't tââvas lij hue'nes
 ä'šš.
 – Tââ'vmõs Lappi lij kuu'ķķ leämmaž
 veâl frijj lupiinâst, da tõ'nt tõt kâ'l
 lij huõl counni da le'čči samai
 vääžnai, što lupiin tuâstškuä'đet
 aktiivlânji tâ'lles tõin vuõssmõs
 paai'ķin, ko'st tõt lij, särnn
 Niinimäki.