Sápmi        11.11. GASKAVAHKKU  2/5
 
 Varas dutkamuša mielde finddar sáhttá
 eallit olles eallinagis sáivačázis –
 báikkálaččat leat jáhkkán findara
 eallán álo Buolbmátjávrris
 Ovdal leat árvalan, ahte finddar lea
 mearas gorgŋon jávrái boradit ja fas
 mannan ruovttoluotta merrii gođđat ja
 lassánit.
 Helsset universitehta dutkamušas leat
 gávnnahan, ahte Buolbmátjávrri
 findariin stuorámus oassi eallá olles
 eallima sáivačázis. Dál lea vuosttas
 geardi go konkrehta bohtosat duođaštit
 dan.
 Dábálaččat finddar eallá ja lassána
 mearas, muhto Buolbmátjávrri findarat
 olles eallingierddu jávrečázis, muitala
 Helsset universitehta birasdiehtagiid
 professor Kimmo Kahilainen.