Säämi          7.9. VUOSSARGÂ    1/5
 
 Tääl láá vuot uđđâ sämispeelah –
 ärbivuáválâš Sáhkku-lyevdispeelâst
 rahtui digitaallâš versio
 Siida Game Jam -tábáhtusâst uásálisteeh
 rahtii uđđâ sämikulttuurân lahtoseijee
 speelâid uánihis ääigist.
 Kyevti pirrâmpeeivi äigi rähtiđ teema
 miäldásâš tiätturspellâ. Tot lii Siida
 Game Jam -tábáhtume ulme.
 Sämimuseo Siijdâst Anarist tollui
 vuosmuu tove nuuvt kočodum
 spellâjamitábáhtus. Kulmâpiäivásâš
 tilálâšvuođâst rahtij speelâid, moi
 vuáđun lâi sämikulttuur.
 Tilálâšvuotân poođij oovce uásálisted
 pääihi ool Anarân já 13
 káidusuásálisted pirrâ maailm Discord-
 káidusohjelm peht, ovdâmerkkân
 Aotearoast já Kiinast.