Säämi         5.10. VUOSSARGÂ    5/5
 
 Huššâ ij lah tavveen tävjit-távjá –
 mäddin tot lii argâpeivi škoovlâst
 Maadâ-Suomâst máttáátteijee pargo oroi
 Jalvvi Marin ennuv lussâdubbon ko
 tavveen.
 Majemui iivij ääigi láá máttáátteijeeh
 vaaibâm Suomâst uáli ennuv. Totkei
 mield jyehi nubbe máttáátteijee smiättá
 syergimolsom. Totkeeh láá huolâstum
 tast, et máttáátteijeeuáppeh väibih jo
 uápui ääigi.
 Koskâ-Suomâst máttáátteijen lamaš
 Jalvvi Mari, Mari Jalvela lii tääl
 maccâm päikkikuávlusis Sáámán, vâi suu
 pargokyermi kiäppáničij. Sun ij smietâ
 syergimolsom, mut tarbâšij maidnii, ko
 vaibâškuođij pargoostis.
 Sun lii lamaš máttáátteijee ton
 rääjist, ko algâttij pargoeellim 1990-
 lovvoost. Enâmustáá sun lii porgâm
 Jyväskylást já Laukaast.