Säämi        13.10. MAJEBARGÂ    3/5
 
 Sämikielâtáiđu puáhtá älkkeediđ uážžuđ
 pargo Säämist – Lapha pargee lohá
 anarâškielâ palhijn
 Anarâškielâ uápuh kiäsutteh ivveest
 nuubán. Ida Lassila lohá kielâ, vâi
 sust ličij puátteevuođâst-uv pargo
 Säämist. Salla Rieki uápuid máksá
 pargoadeleijee.
 Aanaarlâš Ida Lassila lii porgâm Aanaar
 kieldâst nuorâipargen jo maaŋgâid
 iivijd. Sun ij lah finnim fastâpargo
 kieldâst já lii tääl luhâmin sämikielâ,
 vâi visásmit pargos puátteevuođâst-uv
 Säämist.
 Maŋgâseh suu aldaulmuin láá viehâ távjá
 koijâdâm sust, mondiet sun ij valagin
 määti sämikielâ.
 – Mun halijdâm tääl oppâđ sämikielâ,
 vâi puávtám puátteevuođâst porgâđ
 anarâškieláin.