Sápmi         27.7. VUOSSÁRGA    4/5
 
 Britt-Inger Ruotsala ásai Mátta-Koreas
 measta jahkebeali – álggu váttisvuođaid
 maŋŋá dat šattai sutnje nubbin ruoktun
 Ruotsala lea studeren astoáiggis giela
 vel lasi. Son niegada beassat vel dán
 jagi máhccat Lulli-Koreai.
 Go Heahtás bajásšaddan Britt-Inger
 Ruotsala čohkánii moadde jagi dassái
 skuvlabeŋkii Lulli-Koreas, son ii ádden
 sánige. Dalle son gal jurdilii, ahte
 maid son lea riekta bargan.
 – Mun lean boahtán okto deike nuppi
 beallai máilmmi ja mun in ipmir dange,
 go jerret gii mun lean. Mus lei oalle
 olu das oahppat, muittaša Ruotsala
 vuosttas dovdduidis dalle.
 26-jahkásaš Ruotsala ii máhte muitalit
 manin son justa Lulli-Koreai háliidii
 vuolgit ja oahppat koreagiela.
 Álgu ii lean álki.