Sápmi        21.10. GASKAVAHKKU  3/5
 
 Sámeealáhusaid dili álget fas
 čielggadit: ulbmilin gávnnahit mo
 ealáhusat leat rievdan
 Ovddit čielggademiid leat dahkan logi
 jagi gaskkaid. Čielggadeapmi lea
 vuođđun ovdamearkka dihte politihkalaš
 barggus, muitala Sámedikki ságadoalli.
 Luondduriggodatguovddáš, Lappi
 universitehta, Sámi oahpahusguovddáš ja
 Sámediggi leat álggahan ovttasbarggus
 sámeealáhusaid čielggadeami.
 Sámeealáhusaid čielggademiin háliidit
 oažžut ođđa oppalaš gova ealáhusaid
 dilis. Čielggadeapmi lea álggahuvvon
 Sámedikki álgagis ja dan ruhtada eanan-
 ja meahccedoalloministeriija.
 Sámedikki ságadoalli Pirita
 Näkkäläjärvi muitala, ahte čielggadeami
 lea dehálaš dahkat vai sáhttá
 dorvvastit sámeealáhusaid seailuma- ja
 ovddidanvejolašvuođaid.