10/10
       Nuntii Latini breves      2025
 
 3.7.2025
 In Creta plus 1 500 homines domum aut
 deversorium relinquere coacti sunt
 propter funesta incendia terrestria,
 quorum vim venti vehementissimi
 conflant. Rerum condicio in illa
 regione difficillima est, et incendia
 coercere negotium maxime arduum esse
 videtur.
 
 2.7.2025
 Praesidentes Emanuel Macron et
 Vladimir Putin telephpnice inter se
 collocuti sunt, idque primum post
 mensem Septembrem anni 2022. Macron
 ignistitium in Ucrainam flagitavit nec
 non consultationes pacis ad bellum
 componendum.
 
                       @ReijoPitkaranta