6/10
       Nuntii Latini breves      2025
 
 7.7.2025
 Circiter 12 500 tirones militiam
 intraverunt. Officium suum aut in
 exercitu aut in copiis Instituti a
 custodia limitis praestabunt. In
 aliquot praesidiis stativis infectiones
 viarum respiratoriarum repertae sunt,
 quam ob rem novis militibus masca oris
 adhibenda est.
 
 7.7.2025
 Finnair, Societas aeronautica
 Finlandensis, hoc vere et prima aestate
 plus mille volatus auferre coacta est
 propter operistitia, quae Unio a re
 aeronautica instituenda curavit.
 Consultationes ad concordiam
 inveniendam duce conciliatrice
 publica continenter aguntur.
      Nuntii latini breves 366-371 >>>