9/10
       Nuntii Latini breves      2025
 
 4.7.2025
 Sollemnia melodramatica quattuor
 septimanarum Novi Castri (vulgo
 Savonlinna) celebrari coepta sunt.
 Quanta in gratia apud populum sint,
 vel inde apparet, quod ad hos dies
 festos agendos circiter 60 000 musicae
 amatorum conventuri esse existimantur.
 
 4.7.2025
 Certamina pedifollica feminarum de
 principatu Europaeo in Helvetia initium
 ceperunt. Primus ludus inter Finlandiam
 et Islandiam actus est. Ex eo certamine
 superiores discesserunt Finlandenses,
 cum pilicrepa nostra follem in rete
 Islandiae ingessisset.
 
 
      Nuntii latini breves 366-371 >>>