9/10
       Nuntii ex Archivio Latini 2012
              NUNTII LATINI
 
 
 RES A BAUMGARTNER FORTITER GESTA
 
 Felix Baumgartner, vir Austriacus
 quadraginta tres annos natus,
 ex stratosphaera nulla machina usus
 in terram desiluit et inter hunc saltum
 velocitatem soni superavit.
 
 Is enim, postquam in altitudinem
 undequadraginta chiliometrorum sublatus
 est, in ingens inane se eiecit et
 deorsum libere devolare coepit.
 
 Cum ex terra a sesquichiliometro
 abesset, umbrella descensoria patefacta
 in solum Americanum incolumis rediit.
 
                   Yle              >>>