5/10
       Nuntii ex Archivio Latini 2012
              NUNTII LATINI
 
 
 TAWADROS PAPA COPTORUM
 
 Die Dominico (4.11.) novus papa
 Coptorum Christianorum Aegypti creatus
 est Tawadros, episcopus provinciae
 Beheirae in ostio Nili sitae.
 
 Munere accepto ille vir sexaginta
 annorum 'papa Alexandriae et antistes
 sanctae sedis totius Africae'
 officialiter appellatur. Electionem
 fecit puer choralis, qui oculis
 obligatis e calice unam e tribus
 tabellis obsignatis temere sustulit
 eamque praefecto suffragii porrexit.
 
 
                   Yle             >>>>