3/10
       Nuntii ex Archivio Latini 2012
              NUNTII LATINI
 
 
 FOEDUS PACIS IN PHILIPPINIS FACTUM
 
 Regimen Philippinarum et maximus ibidem
 musulmanorum rebellium grex foedus
 pacis fecerunt.
 
 Id eo spectat, ut conflictui militari,
 quo his quadraginta annis saltem centum
 quinquaginta milia hominum occisa sunt,
 tandem finis fiat.
 
 Consensum est de territorio autonomico
 condendo, quod imprimis ex iis insulae
 Mindanai partibus constat, ubi cives
 islamismum confitentes habitant.
 
 
                   Yle              >>>