9/10
       Nuntii Latini breves      2025
 
 13.6.2025
 In India occidentali maxima calamitas
 aeria accidit, cum aeroplanum
 epibaticum, ubi primum alis se dedit,
 in terram decidit. Ex 242 viatoribus
 non nisi unus vitam servavit. Homines
 illa clade mortui maximam partem ex
 
 India et Britannia oriundi erant.
 12.6.2025
 Apud nos pueris et puellis iam 17
 annos natis autocineta gubernare
 licet, si bonam causam habent.
 Magistratus autem calamitattibus docti
 censere coeperunt lege cavendum
 esse,ne minorennes iure gubernationis
 nocturno tempore uterentur.
 
 
      Nuntii latini breves 366-371 >>>