6/10
       Nuntii Latini breves      2025
 
 14.6.2025
 In Minnesota democrata quidam sclopeto
 occisus est. Hoc facinus a praesidente
 Trump damnatum est:  Violentia ,
 inquit , tam horribilis in Civitatibus
 Americae Unitis approbari non potest.
 Homicida illo scelere facto fugae se
 dedit et nondum deprehensus est.
 
 14.6.2025
 Praesidens Finlandiae Alexander Stubb
 septimanatim cum  collega Americano
 Donald Trump telephonice colloquitur.
 Id pro re diplomatica bene gesta
 habetur, si respicis, quam modestas
 partes patria nostra ut civitas parva
 in politica mundana agat.
 
 
      Nuntii latini breves 366-371 >>>