8/10
       Nuntii Latini breves      2025
 
 13.6.2025
 Israel in Iraniam impetum aerium
 vehementissimum fecit, cum 200 fere
 aeroplanis insectatoriis usus saltem
 100 loca diversa aggressus est. Qui
 ictus praesertim ad sedes nucleares
 Iraniae direcri erant, ut programma
 eius nucleare detrimentum quam maximum
 caperet.
 
 13.6.2025
 Mense Septembri in Russia certamen
 cantus Intervisionis ponetur, cui
 etiam Civitates Americae Unitae
 interfuturae sunt. Facile est
 intellectu hunc eventum secundum
 exemplum certaminis Eurovisionis
 conditum esse. Russi in Eurovisione
 cantare vetiti sunt.
      Nuntii latini breves 366-371 >>>